ბელარუსის პრეზიდენტმა ალექსანდრე ლუკაშენკომ კიდევ ერთხელ ახსნა, თუ რატომ არ აწესებს ქვეყნის მასშტაბით კარანტინს, მიუხედავად იმისა, რომ არსებობს უკვე ონლაინ-პეტიციაც, რომელსაც ხელს 150 ათასი ადამიანი აწერს.
ლუკაშენკოს თქმით, კარანტინის დაწესება პირდაპირ დაარტყამს ეკონომიკას. „აქ ჩვენთან ყვირიან, კარანტინიო, კომენდანტის საათიო და ა.შ. მისმინეთ, ამაზე ადვილი არაფერია და 1 დღეში ვიზამთ, მაგრამ რა ვჭამოთ მერე? დისტანციურად ვწველოთ ძროხა თუ, დასვენების დღეები გამოვაცხადოთ?“, – განაცხადა ლუკაშენკომ.
ბელარუსში ბოლო მონაცემებით კორონავირუსის 700 შემთხვევაა დაფიქსირებული, მათგან 13 გარდაიცვალა, ხოლო 53 გამოჯანმრთელდა.
რა ხდება ბელარუსში – ამასთან დაკავშირებით წაიკითხეთ სტატია.
