ოზურგეთის მუნიციპალიტეტის, სოფელ ნაგომარში საბავშვო ბაღი, ამბულატორია და ადმინისტრაციული შენობა დაიწვა. შემთხვევა გვიან ღამით მოხდა.
როგორც საგანგებო სიტუაციების მართვის სამსახურში “პრაიმტაიმს“განუცხადეს, მეხანძრე-მაშველებმა ხანძრის ლიკვიდაცია მალევე შეძლეს.
ხანძრის გაჩენის მიზეზები ამ დროისათვის უცნობია. არსებული ინფორმაციით, ცეცხლი შენობის სახურავზე გაჩნდა. შემთხვევის შედეგად არავინ დაშავებულა.
