კონგოში სკოლის მოსწავლეები პარლამენტში შტურმით შეიჭრნენ. ამის შესახებ უცხოური მედია წერს.
გამოცემის ცნობით, მოსწავლეები ხელისუფლებისგან პედაგოგებისთვის ხელფასების მომატებას ითხოვენ, რათა პედაგოგებმა გაფიცვა შეწყვიტონ და სკოლებს დაუბრუნდნენ.
„ჩვენ სწავლა გვინდა“, – სკანდირებდნენ მოსწავლეები.
ცნობისთვის, კონგოს დემოკრატიულ რესპუბლიკაში პედაგოგები 4 ოქტომბერს გაიფიცნენ. ისინი ანაზღაურების მომატებას და სამუშაო პირობების გაუმჯობესებას ითხოვენ.
მთავრობა კი ამტკიცებს, რომ პედაგოგების გაფიცვას რელიგიური ჯგუფები აწყობენ, რომლებიც კონგოს დემოკრატიულ რესპუბლიკაში დაწყებითი სკოლების უმეტესობას მართავენ.
