რუხის მრავალპროფილურ კლინიკაში ახალი კორონავირუსით ინფიცირებული ორი პაციენტი მოათავსეს.
საავადმყოფოს დირექტორის მოვალეობის შემსრულებლის მაიკო ჯანაშიას ინფორმაციით, ერთი ახალგაზრდა მამაკაცია, რომელიც კოვიდ 19-ის დადასტურებული დიაგნოზით ოკუპირებული აფხაზეთიდან გადმოიყვანეს, ხოლო მეორე ახალგაზრდა ქალია.
არსებული ინფორმაციით, ის თბილისიდან ჩავიდა და ზუგდიდის ერთ-ერთ სასტუმროში იმყოფებოდა. თვითიზოლაციაშია სასტუმროს ერთი თანამშრომელი.
„დილის მონაცემებით, ამ პაციენტების მდგომარეობა სტაბილურია, უტარდებათ შესაბამისი კვლევები და მოგვიანებით გვეცოდინება მათი ზოგადი მდგომარეობის შესახებ“, – განაცხადა ჯანაშიამ.
ბოლო მონაცემებით, რუხის კლინიკაში ჯამში 9 პაციენტია მოთავსებული. აქედან, 3 კოვიდინფიცირებული ლენჯერის კლასტერს განეკუთვნება, ხოლო ოთხ მათგანს ცხელება აღენიშნება. საავადმყოფოს ადმინისტრაციის ცნობით, მათ კვლევები დღეს ჩაუტარდება.
ავტორი:თეა შონია
