კორონავირუსის ე.წ. ბრიტანული შტამის გავრცელება ქვეყანაში 50%-დან 70%-მდეა, – ამის შესახებ დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორმა, ამირან გამყრელიძემ „რუსთავი 2-თან“ საუბრისას განაცხადა.
„მესამე ტალღა დაიწყო ქვეყანაში, მაგრამ, გვინდა, რომ ის მაქსიმალურად მართვადი იყოს და არ შევიდეთ ფართომასშტაბიან ეპიდემიაში. ყველა ეს კლასტერი, რაც აქამდე გვაქვს, პირდაპირ, ან არაპირდაპირ უკავშირდება თავშეყრებს სხვადასხვა მიზეზით. იქნება ეს ქორწილები, იქნება ეს ქელეხი თუ დაბადების დღეები და ა.შ,“ – განაცხადა გამყრელიძემ.
