დიდი ბრიტანეთის ჯანდაცვის მინისტრი არ გამორიცხავს, რომ კორონავირუსის გავრცელების პრევენციის მიზნით, ბრიტანეთის ქალაქები ჩაიკეტოს.
მეთ ჰენკოკი ამბობს, რომ ამ ეტაპზე გადაჭრით ვერაფერს იტყვის, რადგან ვირუსის გავრცელების რისკი ჯერჯერობით დაბალია:
„ამ გადაწყვეტილებაში აშკარაა ეკონომიკური და სოციალური დატვირთვა, ამიტომ ჯერჯერობით ამის საჭიროება არ დგას. თუმცა, მინდა დაგარწმუნოთ, თუ საჭირო იქნება პრევენციისთვის ყველა ინსტრუმენტი გვაქვს,“ – განაცხადა ჯანდაცვის მინისტრმა ტელეკომპანია BBC-ზე სტუმრობის დროს.
ბრიტანეთის ჯანდაცვის მინისტრი ასევე ამბობს, რომ ევროპულ ქვეყნებში ვირუსის სწრაფად გავრცელების მიუხედავად, გაერთიანებულ სამეფოს მსგავსი შედეგის თავიდან აცილება შეუძლია.
ბრიტანეთში კორონავირუსით 32 ადამიანია ინფიცირებული.
