ცოტა ხნის წინ, მთავრობის ადმინისტრაციაში საგანგებო განცხადება გაკეთდა.
საკოორდინაციო საბჭოს გადაწყვეტილებით, კორონავირუსის შემთხვევების გამო მესტიის მუნიციპალიტეტი ჩაიკეტა და მკაცრი საკარანტინო ზომები ამოქმედდა.
გადაადგილება აიკრძალა, როგორც მესტიის მიმართულებით, ასევე პირიქით, მესტიიდან სხვა მარშუტების მიმართულებით.
დაბა მესტიაში, უშგულსა და ლენჯერში მუშაობის შესაძლებლობა ექნებათ მხოლოდ აფთიაქებს, სასურსათო მაღაზიებს და საბანკო დაწესებულებებს.
მუნიციპალიტეტის მასშტაბით იგეგმება მასშტაბური ეპიდემიოლოგიური კვლევა.
დღეს საქართველოში კორონავირუსის 25 ახალი შემთხვევა დაფიქსირდა, მათგან 17 შემთხვევა მესტიაში.
