რუსეთში, მოსკოვის გარეუბანში, კომუნარკის დასახლებაში არსებული საავადმყოფოს მთავარ ექიმს, დენის პროცენკოს კორონავირუსი აღმოაჩნდა.

კომუნარკში კორონავირუსით დაინფიცირებულ პაციენტებს მკურნალობენ და იქ მოსკოვში მცხოვრები პაციენტების ყველაზე დიდი რაოდენობაა გამწესებული.

რუსეთში ბოლო 24 საათის განმავლობაში კორონავირუსით დაინფიცირების რაოდენობა 500-ით გაიზარდა. დაინფიცირებულთა საერთო რაოდენობამ ქვეყანაში 2 337-ს მიაღწია.

ცნობისთვის 24 მარტს, რუსეთის პრეზიდენტი ვლადიმერ პუტინი იმყოფებოდა ამ საავადმყოფოში, სადაც შეხვდა პროცენკოს.

ამ დროის მონაცემებით, საქართველოში COVID-19-ით ინფიცირების 110 შემთხვევა დადასტურდა.

• 31 მარტის მდგომარეობით გამოჯანმრთელდა 21 ადამიანი.

• საქართველოში დღეიდან კარანტინის რეჟიმი ამოქმედდა

• გამოცხადდა კომენდანტის საათი

• 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.

• 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა

• 21 მარტს, პრეზიდენტმა საქართველოს მთელ ტერიტორიაზე საგანგებო მდგომარეობა გამოაცხადა.

• საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.

• მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.

• შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.

• შეზღუდვები შეეხო კაფე-ბარებსა და რესტორნებს.

• ნახეთ, რას ნიშნავს საყოველთაო კარანტინი და რა წესები მოქმედებს მისი გამოცხადებისას.