დღეს საქართველოში კორონავირუსით ყველაზე ახალგაზრდა, 40 წლის ქალი გარდაიცვალა. როგორც ცნობილია, პაციენტი ბათუმის სამედიცინო ცენტრში მკურნალობდა.
ქალი ცენტრში გუშინ შეიყვანეს. იგი საავადმყოფოში შეყვანიდან დაახლოებით 19 საათში გარდაიცვალა.
როგორც აჭარის ჯანდაცვის უწყებაში აცხადებენ, მისი დიაგნოზი, ახალი კორონავირუსით გამოწვეული დაავადებები იყო: ორმხრივი პნევმონია, სუნთქვის მწვავე უკმარისობა, თირკმლის ჭვალი.
ასევე მას ჰქონდა თანმხლები დაავადებები, შაქრიანი დიაბეტი და თანდაყოლილი ცერებრული დამბლა.
ცნობისთვის, დღეს ქვეყანაში კორონავირუსით ყველაზე მეტი, 15 ადამიანი გარდაიცვალა.
