კორონავირუსით გარდაცვლილთა უმეტესობა ეთნიკური უმცირესობის წარმომადგენლია – სტატიას theguardian-ი აქვეყნებს.
„პრაიმტაიმი“ სტატიის თარგმანს გთავაზობთ.
Guardian-ის მიერ ჩატარებული კვლევების მიხედვით, ინგლისში კორონავირუსით გარდაცვლილთა ყველაზე მაღალი მაჩვენებელი ეთნიკურ უმცირესობებში ფიქსირდება.
Guardian-ის მიერ გაკეთებული ანალიზის მიხედვით, 12,593 (19 აპრილის ჩათვლით) გარდაცვლილი პაციენტების 19% შავკანიანი, აზიელი და ეთნიკური უმცირესობის (BAME) წარმომადგენელი იყო.
ეს ჯგუფები ინგლისის საერთო მოსახლეობის მხოლოდ 15%-ს წარმოადგენენ.
ადგილობრივი საავადმყოფოებისა და სხვა ქვეყნის მონაცემები აჩვენებს, რომ ეთნიკური უმცირესობები რისკ-ჯგუფს წარმოადგენენ.
ინგლისსა და უელსში, სადაც ეთნიკური უმცირესობების დიდი რაოდენობა ცხოვრობს, გარდაცვალების ყველაზე მაღალი მაჩვენებელი დაფიქსირდა.
„Guardian- ის ანალიზმა ჩვენი ყველაზე უარესი შიში დაადასტურა. ჩვენ უკვე ვიცით, რომ ფერადკანიანი ადამიანები უფრო მეტად ავადდებიან ვირუსით, ვიდრე მათი თეთრი კოლეგები. მაგრამ ახლა ვიცით, რომ ეთნიკური უმცირესობის წარმომადგენლებიც რისკ-ჯგუფში არიან. ეს ყველაფერი კი არსებულ რასობრივ უთანასწორობას უფრო აღვივებს“,- ამბობს ექიმი ზუბაიდა ჰაკე.
მისი თქმით, მთავრობამ უნდა გააცნობიეროს, რომ რასა და რასობრივი უთანასწორობა კორონავირუსის რისკ ფაქტორს წარმოადგენს.
სიღარიბე, დაბალანაზღაურებადი სამუშაო, ცხოვრების დაბალი დონე, გადატვირთული საცხოვრებელი სახლები,- ეს ყველაფერი ეთნიკურ უმცირესობებს კოვიდ ინფექციის მიმართ უფრო მოწყვლადს ხდის.
სამომავლოდ ამ საკითხზე კიდევ ბევრი კვლევის ჩატარებაა საჭირო, რათა შედეგი მაქსიმალურად ზუსტი იყოს.
