ზამბიაში, ქალაქ ნაკონდეში ჯანდაცვის სამინისტროს კორონავირუსით ინფიცირებულების აღრიცხვაში სექს-მუშაკები ეხმარებიან.
ამის შესახებ ინფორმაციას BBC-ი ავრცელებს.
ქალაქში დაფიქსირებული 85 შემთხვევიდან, 76 პაციენტი ან სექს-მუშაკი ან ტრაილერის მძღოლია.
აღმოსავლეთ აფრიკის ქვეყნებში შიშობენ, რომ ტრეილერების მძღოლები, შესაძლოა, ვირუსის გადამტანები გახდნენ, რადგან მათი გადაადგილება შეზღუდული არ არის.
ჯანდაცვის მინისტრმა, ჩიტალუ ჩილუფიამ სექს-მუშაკებს მაღალი სამოქალაქო პასუხისმგებლობის გამოჩენისთვის მადლობა გადაუხადა.
„ისინი ჩვენს გამომძიებლებთან აქტიურად თანამშრომლობენ და მათი სტიგმატიზაცია ან დისკრიმინაცია არ გვინდა.
ვირუსის გამოვლენაში ძალიან გვეხმარებიან. გვქონდა შემთხვევა, როდესაც ერთ-ერთ მათგანს სიმპტომები აღმოაჩნდა და მან თავისი კლიენტის, უცხოეთის მოქალაქე ტრეილერის მძღოლის შესახებ მოგვიყვა, რომელთანაც კონტაქტი ჰქონდა.
მისი ტელეფონის ნომერი გვქონდა, გადავრეკეთ და აღმოჩნდა, რომ მას კორონავირუსი აქვს“, – განმარტა მინისტრმა.
