თერჯოლაში, კორონავირუსით ინფიცირებული კაცის ოჯახის წევრები რამდენიმე დღის წინ, შინაურ ფრინველებს ხარაგაულის მინიციპალიტეტში ყიდდნენ.
დაავადებათა კონტროლის ცენტრის თანამშრომლებს იმ პირთა წრის დადგენა უწევთ, რომლებმაც წიწილები დაავადებული მამაკაცის მამისგან შეიძინეს.
ხარაგაულის დაავადებათა კონტროლის ცენტრის უფროსი აღნიშნავს, რომ ინფიცირებული კაცის მამამ, წიწილები 9 ოჯახში ჩააბარა და მათთან კონტაქტი ჰქონდა.
ასევე, ინფიცირებულის მამამ ხარაგაულში ნათესავთან ღამე გაათენა. ფაქტის გამჟღავნების შემდეგ ხარაგაულში პანიკაა.
ამ დროისთვის სულ 12 ადამიანზე მიმდინარეობს დაკვირვება.
“ოჯახებში დაჰქონდა ამ პიროვნებას ეს წიწილები. ბაზარში არ გასულა. ცხრავე ადამიანი, ვისთანაც ჰქონდა კონტაქტი უკვე ვიცით და გაფრთხილებულები არიან. 3 პიროვნებაა, ვისთანაც ღამე გაათია და ისინი დღესდღეობით თვითიზოლაციაში არიან” – აცხადებენ დაავადებათა კონტროლის ხარაგაულის სამსახურში.
ბოლო მონაცემებით, ქვეყანაში კორონავირუსის 130 შემთხვევაა დაფიქსირებული.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
წაიკითხეთ და გაითვალისწინეთ საჭირო რეკომენდაციები
