საქართველოში კორონავირუსის გავრცელების საპრევენციო ღონისძიებების ფარგლებში ახალი გადაწყვეტილებები მიიღეს უწყებათაშორისი საკოორდინაციო საბჭოს მორიგ სხდომაზე, რომელიც დღეს პრემიერ-მინისტრ გიორგი გახარიას ხელმძღვანელობით მთავრობის ადმინისტრაციაში გაიმართა.
საბჭოს გადაწყვეტილების მიხედვით, კორონავირუსთან დაკავშირებით დაწესებული რეგულაციების აღსრულებისთვის მონიტორინგის მექანიზმი შეიქმნება.
