ტურინის „იუვენტუსის“ სუპერვარსკვლავი კრიშტიანუ რონალდუ 2-კვირიან კარანტინს გაივლის.
მას შემდეგ, რაც რონალდუს თანაგუნდელს, დანიელე რუგანის კორონავირუსი დაუდგინდა, პორტუგალიელი ფეხბურთელი მშობლიურ მადეირაში გაფრინდა და საკუთარ სახლში 2 კვირის განმავლობაში თვითიზოლაციაში იქნება.
რონალდუს თანაგუნდელს კორონავირუსი გუშინ დაუდასტურდა. რუგანიმ საკუთარი ჯანმრთელობის მდგომარეობაზე ისაუბრა და განაცხადა რომ თავს კარგად გრძნობს.
იტალიაში ეროვნული საფეხბურთო ჩემპიონატი ქვეყანაში გამოცხადებული წითელი ზონის 4 აპრილამდეა შეჩერებული.
