ინფექციონისტი ალექსანდრე გოგინავა ქვეყანაში არსებულ სტაბილურ ეპიდსიტუაციას, გარკვეულწილად, შეზღუდვების ამოქმედებას უკავშირებს.
„როგორც ხედავთ, სტაბილური ეპიდსიტუაციაა, რაც, გარკვეულწილად, რეგულაციების დამსახურებაა. რა თქმა უნდა, რეგულაციები ეტაპობრივად უნდა მოიხსნას და მოსახლეობას მიეცეს საშუალება, ცხოვრების ჩვეულ წესს დაუბრუნდეს, მაგრამ ეს ყველაფერი ეტაპობრივად, გონივრულად და ეპიდსიტუაციის მონიტორინგით უნდა მოხდეს. ყველა რეგულაციის ერთბაშად მოხსნა გამართლებული არაა, რადგან შეიძლება, ამან ეპიდსიტუაცია გააუარესოს“, – განაცხადა ალექსანდრე გოგინავამ „იმედთან“.
