ევროპარლამენტის წევრი მაიკლ გალერი მოუწოდებს „ქართულ ოცნებას“, გაათავისუფლოს პოლიტიკური პატიმრები. ამის შესახებ გერმანელი ევროპარლამენტარი სოციალურ ქსელ „Twitter“-ზე წერს.
როგორც იგი ამბობს, პოლიტპატიმრების თემა ლაკმუსის ქაღალდი იქნება ხელისუფლებისთვის.
„ყველა პარტიამ უნდა დაიცვას 8 მარტს მიღებული შეთანხმების ტექსტი და სულისკვეთება. ეს იქნება ლაკმუსის ტესტი ივანიშვილისა და „ქართული ოცნების“ რეალური მიზნების გამოსავლენად.
ისინი აგრძელებენ დასავლელი პარტნიორების შემოწმებას, კვლავ ელიან თუ არა ყველა პოლიტიკური პატიმრის გათავისუფლებას – დიახ, ელიან. ეს აუცილებელი პირობაა, თუკი არჩევნების თავისუფალ და სამართლიან გარემოში ჩატარებაზეა საუბარი”, – წერს გალერი.
All parties should adhere to the text and spirit of the 8 March agreement. It is a litmus test for Ivanishvili’s and Georgian dream’s true intentions https://t.co/ai3qTTNZWv
— Michael Gahler (@gahler_michael) May 13, 2020
2020 წლის საპარლამენტო არჩევნების მოდელზე შეთანხმება მმართველ გუნდსა და ოპოზიციური სპექტრის წარმომადგენლებს შორის 9 მარტს შედგა.
ოპოზიციური პარტიები 8 მარტის შეთანხმებით ნაკისრი ვალდებულებების შესრულებას ითხოვენ.
ამავე თემაზე: პატიმრების გათავისუფლების პირობა მმართველ გუნდს არ დაუდია – არჩილ თალაკვაძე
