ეს არც საგამოფენო სივრცეა, არც რომელიმე ხელოვანის ინსტალაცია და არც არტ ხელოვნება.
თბილისის ზღვის სანაპიროზე ჭრელა-ჭრულა სამოსში გამოწყობილი მანეკენების ფოტოები, სოციალურ ქსელში ცოტა ხნის წინ გამოჩნდა.
როგორც გავარკვიეთ, საგანგებო მდგომარეობის პერიოდში, როცა ყველა და ყველაფერი გაჩერდა, ახალგაზრდა გოგონამ ბიზნესის გადასარჩენად ორიგინალურ ხერხს მიმართა.
ონლაინ ვაჭრობაშიც, რომ დიდი კონკურენციაა ეს ამ ფოტოების ავტორმაც კარგად იცის. ხოდა ისეთი რამ უნდა მოეფიქრებინა, რითაც სხვებს კონკურენციას გაუწევდა.
არც თუ დიდი ფიქრის შემდეგ ორიგინალური იდეა თბილისის ზღვაზე, სანაპიროზე განახორციელა.
ასე იქცა პლაჟზე ფოტოკამერების წინ მოპოზიორე მანეკენები ერთგვარ პერფორმანსად. სოციალურ ქსელში განთავსებულმა ფოტოებმა ბევრი მოწონება და შექება დაიმსახურა.
ონლაინ ვაჭრობისთვის განკუთვნილმა მარკეტინგულმა ხრიკმა კი ნამდვილად გაამართლა.
