მარნეულის მუნიციპალიტეტი, 55-დღიანი საკარანტინე რეჟიმის შემდეგ, 18 მაისს გაიხსნა და მოქალაქეებს გარკვეული შეზღუდვებიც მოეხსნათ.
მარნეულელებს სხვა ქალაქებში გადაადგილება ჩვეულებრივ შეუძლიათ. თუმცა საზოგადოებრივი ტრანსპორტი ჯერ ისევ მოძრაობს, ამიტომ მგზავრობა მხოლოდ საკუთარი ავტომობილით ან ტაქსით არის შესაძლებელი.
მარნეულელი ტაქსის მძღოლები ამბობენ, რომ ამ ეტაპისთვის მგზავრების ნაკლებობაა. მგზავრობა მარნეულიდან თბილისამდე 25-30 ლარი ღირს.
„მთელი დღე ალბათ ერთი ადამიანი თუ მოვა. ზოგჯერ ისიც არაა. თბილისამდე მგზავრობა 25 ან 30 ლარი ღირს. გააჩნია რა ადგილამდე გვთხოვს მიყვანას.
მარნეულში შიდა ტერიტორიაზე გადაადგილება 2 ან 3 ლარი ღირს. გუშინ ერთი ადამიანი 30 ლარადაც წავიყვანე თბილისში“, -გვიყვება მარნეულელი ტაქსის მძღოლი.
შეგახსენებთ, საგანგებო მდგომარეობის გამოცხადებამდე ტაქსით მგზავრობა მარნეულიდან თბილისამდე 15-20 ლარი ღირდა.
ასევე დაგაინტერესებთ:
