მარნეულის მუნიციპალიტეტში, ორგანიზაცია ახალი აზროვნების ინტიტუტის ინიციატივით ახალი პროექტი „დედების სკოლა“ იწყება.
პროექტის მიზანია იმ დედების დახმარება, რომლებმაც ადრეულ ასაკში შექმნეს ოჯახი და საშუალო განათლება ვერ მიიღეს.
პროექტის შესახებ ახალი აზროვნების ერთ-ერთმა დამფუძნებელის კამრან ეფენდიევის განცხადებით, პროექტში, მარნეულის მუნიციპალიტეტის სოფელ ხულდარასა და მოლაოღლუში მცხოვრები 20 მშობელი მიიღებს მონაწილეობას.
„გოგონები, რომლებმაც ადრეულ ასაკში შექმნეს ოჯახი და ვერ მიიღეს საშუალო განათლება. მათ ჩაუტარდებათ ტრენინგ-სემინარები, ისწავლიან ქართულ და ინგლისურ ენებს, ასევე მათემატიკასა და ბუნებისმეტყველებას დაწყებითი კლასის დონეზე.
სწავლების პერიოდში მათ აუხსნიან თუ როგორ უნდა დაეხმარონ შვილებს გაკვეთილების მომზადებაში.
პროექტი ივნისში დაიწყება, თავიდან კორონავირუსის გამო ლექციები ონლაინ დაიწყება და მერე როცა შეზღუდვები აღარ იქნება შეიკრიბება 20-ივე მშობელი და ჩვეულებრივად გაგრძელდება სწავლება“, – განაცხადა კამრან ეფენდიევმა.
