საქართველოს კულტურის, სპორტისა და ახალგაზრდობის მინისტრი, ვიცე-პრემიერი თეა წულუკიანი ამბობს, რომ მედიისგან ბულინგს განიცდის და აღარ აპირებს ამის მოთმენას.
“გარკვეული რეგულაციების იდეას აბსოლუტურად ვემხრობი. იქნება ეს “ფეიქ ნიუსი” თუ ვალდებულებების ნაწილის გამკაფიოება, რა არის საერთოდ ეს ჟურნალიზმი.
ევროპული კონვენციის მე-10 მუხლში წერია, რომ ინფორმაციის გავრცელებას თან ახლავს ვალდებულებები, რომ ეს ვალდებულებები ქართულ კანონში უფრო მკაფიოდ გაიწეროს, მაგრამ მთავარი მაინც არის ის, რომ ადამიანებმა მოაწესრიგონ საკუთარი ქცევა.
თუ მეორე ადამიანი სისტემატიურად ახორციელებს მცდელობას, რომ დამჩაგროს, მოდაშია ახლა ეს სიტყვა – დამაბულინგოს და გათვლა აქვს იმაზე, რომ მე თავჩაქინდრული ამას ვიტან, როგორც ძველად ჯარში რომ ხდებოდა, მე აღარ ვაპირებ ეს ავიტანო, იმიტომ, რომ არ მაქვს ამის ვალდებულება. მე ავიტანე ძალიან ბევრი,” – განაცხადა თეა წულუკიანმა.
