სოციალურ ქსელში გვერდი „მსოფლიო საეკლესიო სიახლენი“ ინფორმაციას ავრცელებს და წერს, რომ მღვდლის 14 წლის გოგონა გარდაიცვალა. ტრაგედია საბერძნეთში დატრიალდა.
„მღვდლის 14 წლის შვილი (გოგონა) გარდაიცვალა, რომელიც სკოლაში მისი წონის გამო გამუდმებულ ბულინგს განიცდიდა. ამის შემდეგ მან ოპერაციის გაკეთება გადაწყვიტა, რაც ტრაგედიით დასრულდა.
გარდაცვლილ გოგონას წესი ადგილობრივმა ეპისკოპოსმა, კალამარიის მიტროპოლიტმა იუსტინემ აუგო“,- ნათქვამია ინფორმაციაში.
შეგახსენებთ, რომ გოგონას ოპერაცია ორი წლის წინ გაუკეთეს. გოგონას მამა ამბობს, რომ მისი შვილი სამედიცინო შეცდომის გამო გარდაიცვალა.
მღვდლის თქმით, ოპერაციის შემდეგ მის ქალიშვილს გაუსაძლისი ტკივილი დაეწყო. ექიმმა კი თქვა, რომ მსგავსი ტკივილი ასეთი ოპერაციის შემდეგ ნორმალურია და ყველაფერი კარგად იქნებოდა. ოჯახმა პატარა გოგონასთვის კუჭის ოპერაციის გაკეთება იმიტომ გადაწყვიტა, რომ ბავშვს სკოლაში წონის გამო აბულინგებდნენ
ასევე დაგაინტერესებთ ⇓
