მიხეილ სააკაშვილი გვიან ღამით მისმა თანაპარტიელმა თინა ბოკუჩავამ მოინახულა. დეპუტატის განცხადებით, სააკაშვილის მდგომარეობა დამძიმებულია და მრავალპროფილურ კლინიკაში გადაყვანა სჭირდება.
ბოკუჩავას განმარტებით, მას ყოფილი პრეზიდენტის ნახვის საშუალება მცირე დროით მისცეს და ციხის ტერიტორიის დატოვებისას, პროცედურულად შეაყოვნეს.
„მიხეილ სააკაშვილთან ჩემი შეხვედრა ძალიან მალე დასრულდა. შემდეგ კი, ციხის ადმინისტრაცია არ მაძლევდა შენობის დატოვების შესაძლებლობას. შემიძლია გითხრათ, რომ მიხეილ სააკაშვილი გამოიყურება ძალიან სუსტად და არის ძალიან ფერმკრთალი“, – განაცხადა ბიკუჩავამ.
ღამით ციხესთან იმყოფებოდა ყოფილი პრეზიდენტის პირადი ექიმიც. ნიკოლოზ ყიფშიძემ სააკაშვილის მონახულება ვერ შეძლო, თუმცა მისი განცხადებით მიზეზი ციხის ადმინისტრაციას არ განუმარტავს.
