თბილისის სახელმწიფო სამედიცინო უნივერსიტეტის, პირველი საუნივერსიტეტო კლინიკის, კლინიკურმა დირექტორის, ლალი ტურძელაძის თქმით, საქართველოში კორონავირუსით გარდაცვლილ პირველ პაციენტს კუნთების განლევა სჭირდა და 12-15 კილოს იწონიდა.
„პრაიმტაიმი“ ექიმ ლალი ტურძელაძეს დაუკავშირდა და ჰკითხა, რამდენად სწორი იყო ეს ინფორმაცია და შეიძლება თუ არა, რომ 79 წლის ქალს ასეთი მცირე წონა ჰქონოდა.
„ვთქვი დაახლოებით ასე მხატვრულად. ძალიან პატარა წონის იყო, როდესაც მოიყვანეს კლება ჰქონდა წონაში მთელი 6-7 თვის მანძილზე. ეს აღვნიშნე, რომ იყო ძალიან გამხდარი, მხატვრულად ვთქვი, რომ 12-15 კილო იქნებოდა მეთქი. ზუსტად რამდენი კილო იყო არ ვიცი. ძლივს ჩანდა საწოლში, ნეკნებს დათვლიდით, კუნთოვანი სისტემა სულ აღარ ჰქონდა“, – გვიპასუხა ლალი ტურძელაძემ.
საქართველოში კორონავირუსით ამჟამად 157 ადამიანია დაინფიცირებული, ამათგან 28 გამოჯანმრთელდა, ხოლო ერთი გარდაიცვალა.
