“5 დღის წინ მოგვამაგრეს ოჯახის ექიმი, რომელმაც პირველ დღეს დარეკა და მას მერე ვეძებთ, არ ვაბუქებ, მართლა ვეძებთ” – ამის თაობაზე მსახიობი ლევა სუხიტაშვილი სოციალურ ქსელში ვრცელ პოსტს ავრცელებს.
პოსტიდან ვიგებთ, რომ მის დედას დაუდასტურდა Covid-19.
“დედაჩემს, რომელსაც დაუდასტურდა კოვიდ 19, აქვს გადატანილო ხერხემლის ინსულტი, უშაქრო დიაბეტი და თირკმელებია მძიმე პრობლემა, 5 დღის წინ მოგვამაგრეს ოჯახის ექიმი, რომელმაც პირველ დღეს დარეკა და მას მერე ვეძებთ, არ ვაბუქებ, მართლა ვეძებთ, იმიტომ, რომ რამდენჯერაც მოვითხოვთ ჯანდაცვის ცხელ ხაზზე, რომ თუ ვერ პოულობენ ჩაანაცვლონ მაინც, იმდენჯერ ჩაიწერეს მონაცემები და იმდენივეჯერ მითხრეს, რომ ჯანდაცვის მონიტორინგს გადაეცემა და იპოვიან და დაგვიკავშირდებიან.. ( ამწამსაც) ამასობაში გავიდა 5 დღე!!! მარა ექიმი კიდევ არ ჩანს, რომლის მიმართვის გარეშეც ერთ ანალიზსაც არ გაგიკეთებენ.. გუშინ წინ ჩვენი სახსრებით ავიღეთ ყველა ანალიზი კატეს გარდა.. გარდა ამისა ძალიან სასიცოცხლოდ მნიშვნელოვანია ჩვენთვის ექიმის მეთვალყურეობა, მინიმუმ რჩევა-დარიგება. არც ჩასაფრებული პოზიციიდან ვწერ და არც იმ ექიმისაგან არ ვითხოვ არაფერს,გარდა ყურადღებისა და დაკვალიანებისა.. ან იქნებ შეგვიცვალონ დროზე და სასწრაფოდ ყოველგვარი მონიტორინგებისა და ვირიშვილობების გარეშე.. ან გვითხარით რომ თქვენს თავებს მიხედეთო და თქვენთან რეკვებში, გაურკვევლობებში და ლოდინში მაინც აღარ დავხარჯავთ დროს.. არ შეიძლება ასე.. მიხედეთ ხალხს ბლიაძ!!! ვიღაცა კომპეტენტურმა რაღაცა ადეკვატური პასუხი გაგვეცით!! მეხუთე დღეა უკვე, მეხუთე”- წერს ლევან სუხიტაშილი
