უკრაინაში მოღვაწე მამა ნექტარიოს მჭედლიძე სოციალურ ქსელში წერს, რომ ის მონასტერი რომელშიც იგი მსახურობს ყოველწლიურად 24 სოფელს ეხმარება.
„ჩემი მონასტერი უკრაინაში 300 ჰექტარზეა გაშენებული. აქედან მონასტერი იყენებს მხოლოდ ორ ჰექტარს, დანარჩენი კი, წინამძღვარმა დაუთმო სოფლის მოსახლეობას. თუ სოფელი იქნება ძლიერი, მონასტერიც გაძლიერდება;
თუ მონასტერი იქნება ძლიერი და სოფელი მშიერი, მე პირადად, ერთი წუთი არ ვიცხოვრებ იმ მონასტერში, რომლის გარშემოც მყოფი ადამიანები იქნებიან მშიერ-მწყურვალნი.
ყოველ წელს მონასტერი 24 სოფელს ეხმარება სათესლე მარცვლეულითაც და ტრაქტორითაც მიწის დასამუშავებლად. ჩემი მრევლის ბედნიერი სახის ნახვა წირვაზე ჩემი სამყაროა“, – წერს მამა ნექტარიოს მჭედლიძე.
