ვახტანგ ბოჭორიშვილის კლინიკის გენერალური დირექტორი დავით გადელია სოციალურ ქსელში ნიკა კვარაცხელიას შესახებ წერს.
„გასკდა გული!.. როგორც ჩანს ცოდნაზე, სწავლაზე ორიენტირებულ ახალგაზრდას, ჩვენი ქვეყნისთვის საჭირო მომავალს, ვიღაც სალახანამ სიცოცხლე მოუსპო! დაიჭერენ ამ ვიგინდარას, მოიხდის 15 წელს ციხეს-შეიძლება საჩივარიც დაწეროს ციხეში, “ყავა შეციებული იყოო”, გამოვა და რა?.. რას შექმნის? 99.9%-ით არაფერს სასიკეთოს. მომავალი კი წაგვართვა…
მერამდენედ უნდა ვიტიროთ ჩვენი ღირსეული შვილები, პარაზიტების ხელიდან გაწირულები!!? მართლა არანაირი კომპრომისი არ შეიძლება კრიმინალთან! მერამდენედ ვამბობ: ხალხის დაკვეთა 2012 წელს იყო- ” უდანაშაულო ხალხს, მხოლოდ ფულის წაგლეჯვის მიზნით ნუ მოუწყობს მთავრობა პროსკრიპციებს“, თორემ არავის უთქვამს ნაღდი კრიმანალები თავზე დაისვით და ეფერეთო! მესმის, როდესაც უკომპრომისო ბრძოლას აჩაღებ კრიმინალთან, დიდი სიფრთხილეა საჭირო, რომ უდანაშაულო ადამიანებიც არ მოყვეს შემთხვევით. მაგრამ ციხეში ხომ მაინც შეიძლება ცოტა სიმკაცრე? ციხის მაინც რომ ეშინოდეს ადამიანს და სანატორიუმივით არ მიდიოდეს! მოვკვდი დღეს ამ ბიჭის ამბით… სრულიად უცნობი ბავშვი საკუთარივით მეცოდება! საკუთარი თავიც მეცოდება და მეშინია შვილების გამო,“ – წერს დავით გადელია.
შეგახსენებთ, 22 წლის ახალგაზრდა, რომელიც გუშინ, ვერაზე, ანჯაფარიძის ქუჩაზე ცეცხლსასროლი იარაღით დაჭრეს, დღეს დილით გარდაიცვალა.
ნიკა კვარაცხელიას სხეულზე მრავლობითი ჭრილობები ჰქონდა მიყენებული, მისი სიცოცხლის გადარჩენა ექიმებმა ვერ შეძლეს. ის სიმონ ხეჩინაშვილის სახელობის საუნივერსიტეტო კლინიკაში იმყოფებოდა.
ასევე დაგაინტერესებთ:
- VIDEO: ნიკა გვარამიას დაპირისპირება ქარელში ადგილობრივებთან, სადაც დაშავებული ოპერატორია მოთავსებული
- არცერთი წუთით არ ვუშვებთ, რომ ფატალური შედეგი, შეიძლება, დადგეს… – როგორია ლევან ვასაძის მდგომარეობა
