ბოლო 30 დღის განმავლობაში, ფეისბუქ რეკლამებში პოლიტიკურმა პარტიებმა სოლიდური თანხა დახარჯეს.

„სტრატეგია აღმაშენებელსა“ და მის ლიდერთან, გიორგი ვაშაძესთან დაკავშირებულმა გვერდებმა, ფეისბუქ რეკლამისთვის, ბოლო 30 დღეში, ყველაზე მეტი – 43,349 $ დახარჯეს.

გიორგი ვაშაძე – 38,828$

სტრატეგია აღმაშენებელი – 4,521$

ხარჯებით მეორე ადგილზეა „ევროპული საქართველო“.

პარტია „ევროპული საქართველოსთან“ და მის ლიდერებთან დაკავშირებულმა ფეისბუქ გვერდებმა რეკლამებში დაახლოებით, 22,043$ დახარჯა.

ევროპული საქართველო – 13,873$

გიგი უგულავა – 2,699$

ზურაბ ჭიაბერაშვილი – 2,432$

დავით ბაქრაძე – 1,971$

გიგა ბოკერია- 1068$

მესამე ადგილზე, ფეისბუქის ანგარიშის მიხედვით, არის პარტია „ლელო“, ორი ყველაზე აქტიური გვერდის ჯამურმა დანახარჯმა 16,672$ შეადგინა.

ლელო საქართველოსთვის – 12,547$

მამუკა ხაზარაძე – 4,125$

რაც შეეხება, მმართველ გუნდს: იკვეთება სამი ყველაზე აქტიური გვერდი, რომელმაც ჯამში, ბოლო თვის განმავლობაში, რეკლამაში 10,373$ დახარჯა.

გახარია – 4,381$

„ქართული ოცნება“ – 4,136$

კახა კალაძე –  1,856$

„პატრიოტთა ალიანისის“ ოფიციალურ ფეისბუქ გვერდმა ბოლო 30 დღის მანძილზე 1,910$ დახარჯა ფეისბუქ რეკლამისთვის.

აქტიურია პოლიტიკოსი კახა ოქრიაშვილიც, რომლის ფეისბუქ რეკლამისთვის 4,632$ დაიხარჯა.

შეგახსენებთ, რომ Facebook-მა დამატებით 32 ქვეყნისთვის, მათ შორის, საქართველოსთვის საარჩევნო და პოლიტიკური რეკლამების ავტორიზაცია სავალდებულო გახადა.