თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის თქმით, იმისთვის, რომ მომავალ წელს გაზაფხული ვიხილოთ, უნდა გავითვალისწინოთ ექიმების რეკომენდაციები და დავრჩეთ სახლში.
ტელეკომპანია „პალიტრანიუსის“ სპეცპროექტ „COVID-19″-თან ინტერვიუში, მან კორონავირუსი ებრაულ წყევლას შეადარა.
ჩემი როგორც ექიმის პრეროგატივაა ვუთხრა ყველას: ღმერთმა საავადმყოფოში ამ დაავადების გართულებით ნუ მოგახვედროთ. ჩვენ ექიმებმა რაც დავინახეთ ბოქსირებულ პალატებში, ნეტა არ გვენახა. ესაა მომენტი, როცა ადამიანი იხრჩობა და შველას გთხოვს. ეს ხდება წამებში და წუთებში.
ებრაელებს აქვთ „უნდინას“ წყევლა, რაც ნიშნავს იმას, რომ თავის ტვინი ითიშება და სუნთქვის უკმარისობით კვდებიან. ზუსტად იმ წყევლის სუნთქვის უკმარისობით მიმდინარეობს ეს დაავადება. ამიტომ ნუ გამოიწვევს ჩვენი მოსახლეობა მას, დარჩით სახლში და ერთმანეთს არ გადავდოთ დაავადება.
პირველი წამალი არის – დროში გავახანგრძლივოთ დაავადება. ასეთი რაღაც არსებობს ბუნებაში. ახლა წარმოქმნილი ვულკანი წყნარდება იმ შემთხვევაში როცა დრო გადის. ასეთივეა მიკროორგანიზმი ამ ეტაპზე. ახლა ბობოქრობს, მაგრამ დადგება მომენტი, როდესაც ბობოქრობას შეწყვეტს.
- 21 აპრილს, საქართველოს პრეზიდენტმა საგანგებო მდგომარეობის გაგრძელების შესახებ ბრძანება გამოსცა.
- მთავრობის გადაწყვეტილებით, 27 აპრილამდე აიკრძალა მსუბუქი ავტომობილების გადაადგილება.
- დახურულ სივრცეში სავალდებულო გახდა პირბადის ტარება. წინააღმდეგ შემთხვევაში იურიდიული პირი 15 ათასი ლარით დაჯარიმდება.
- მთავრობასა და საპატრიარქოს შორის შეთანხმება შედგა. შეთანხმების მიხედვით, ეკლესიის კარები მორწმუნეთათვის არ დაიკეტება!
- ხელისუფლების მოწოდებაა დარჩით სახლში, არ დაარღვიოთ კანონი
- 15 აპრილიდან, საქართველოს ოთხი დიდი ქალაქი 10 დღით ჩაიკეტა.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- დახურულია ყველა სავაჭრო ობიექტი, გარდა სურსათის მაღაზიებისა. დაკატილია აგრარული ბაზრები.
- საჯარო და კერძო სამსახურები გადავიდნენ დისტანციურ მუშაობაზე. შეჩერდა მუნიცილაური ტრანსპორტის მოძრაობა.
- კარანტინის წესის დამრღვევი ფიზიკური პირები 3 000 ლარით, იურიდიული პირები კი 15 000 ლარით დაჯარიმდებიან.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხოკაფე-ბარებსა და რესტორნებს.
