15 წლის ნინო ჯარიაშვილი, რომელსაც პოლიცია 4 დღის განმავლობაში ეძებდა სამართალდამცავებმა თბილისში დიდუბის მიმდებარე ტერიტორიაზე მიაგნეს.
გოგონა თავს კარგად გრძნობს და ის უკვე დედასთანაა.
ნინო სახლიდან კვირას 19 ივნისს გავიდა, გაუჩინარებამდე კი სოციალურ ქსელში დედა დაბლოკა და ტელეფონიც გამორთო. სამართალდამცავები მას მთელი ქვეყნის მასშტაბით ეძებდნენ.
„პრაიმტაიმი“ ნინოს ძმას ესაუბრა, რომელიც ჩვენთან საუბრისას ამბობს, რომ გოგონა თავს იდეალურად გრძნობს და კარგადაა. ამასთან სამართალდამცავ უწყებას მადლობას უხდის:
„ნინო თავს იდეალურად გრძობს და კარგადაა, ძალიან კარგად და ეფექტურად იმუშავა პოლიციამ“, – გვეუბნება 15 წლის მოზარდის ძმა.
ამასთან, ჩვენ ვცადეთ გოგონას დედას დავკავშირებოდით, თუმცა როგორც, მოზარდის ძმამ გვითხრა, ნინო ჯარიაშვილის დედა დაღლილია და დასვენება სჭირდება: „დედა დაღლილია ცუდადაა, ბევრი გაიარა უკვე“
