ოკუპირებულ ცხინვალში აცხადებენ, რომ ახალგორში კორონავირუსი კიდევ ორ ადამიანს — 6 წლის ბავშვს და მის დედას დაუდასტურდა.
დე ფაქტო ხელისუფლების წარმომადგენლის, ანა გაგლოევას თქმით, ინფიცირებული დედა-შვილი, ვლადიკავკაზში სხვა დაავადებებზე მკურნალობდნენ.
„სამკურნალო დაწესებულებაში მათ კორონავირუსზე ტესტი ჩაუტარეს და გამოწერეს. სამხრეთ ოსეთში 5 მაისს დაბრუნდნენ და არავითარი კლინიკური სიმპტომი არ ჰქონდათ.
ინფიცირებულების ჯანმრთელობის მდგომარეობა დამაკმაყოფილებელია,“ – განაცხადა ანა გალოევამ.
ამ ორი შემთხვევით ინფიცირებულების საერთო რაოდენობა 3-მდე გაიზარდა. პირველი გამოვლენილი შემთხვევა 14 წლის ბიჭს დაუდასტურდა.
ცნობისთვის, ოკუპირებულ ცხინვალის რეგიონში კორონავირუსის პირველი შემთხვევა დღეს დადასტურდა.
