ოკუპირებული აფხაზეთის დე ფაქტო ხელისუფლებამ დანარჩენი საქართველოს მიმართულებით არ გაატარა ზუგდიდის ინფექციურ საავადმყოფოში მოთავსებულ ქალთან ერთად მყოფი მეორე პაციენტი და ის სოხუმის საავადმყოფოში გადაიყვანეს. ინფორმაციას ადასტურებს ზუგდიდის კლინიკის ექიმი ლალი დარახველიძეც.
ოკუპირებული გალის რაიონის სოფელ საბერიოდან ზუგდიდის ინფექციურ საავადმყოფოში 29 მარტს, ღამით გადაიყვანეს აფხაზეთში რუსეთიდან ჩასული, COVID-19-ის სიმპტომების მქონე 50 წლის ქალი, რომელსაც დე ფაქტო ხელისუფლებამ მდინარე ენგურთან დაკეტილი ე.წ. საზღვარი გაუხსნა.
ექიმმა ლალი დარახველიძემ დღეს, 30 მარტს მედიას აცნობა, რომ პაციენტს აღენიშნება ხველა და ცხელება. მისი საერთო მდგომარეობა დამაკმაყოფილებელია. პაციენტის ბიოლოგიური მასალა გაგზავნილია „ლუგარის ლაბორატორიაში“. პასუხი, სავარაუდოდ, დღეს გახდება ცნობილი.
წაიკითხეთ და გაითვალისწინეთ საჭირო რეკომენდაციები
გადაწყვეტილება, რომელიც საგანგებო რეჟიმს დროს მოქმედებს
