დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, ჯანმრთელობის მსოფლიო ორგანიზაციის მიერ პანდემიის დასრულებულად გამოცხადებამდე ჯერ ძალიან შორია.
მისი თქმით, ჯანმრთელობის მსოფლიო ორგანიზაციას პანდემია დასრულებულად ჯერ არ გამოუცხადებია.
„ჯერ არაფერი არ ჩანს, რომ ჯანმრთელობის მსოფლიო ორგანიზაციამ დასრულებულად გამოაცხადოს. აქამდე ჯერ კიდევ ძალიან შორია.
პანდემია არ დასრულებულა და ვნახოთ, რა მოხდება“,- განაცხადა იმნაძემ მთავრობის ადმინისტრაციაში საკოორდინაციო საბჭოს სხდომის შემდეგ.
ცნობისთვის, გუშინ ბოლო 24 საათში მსოფლიოში Covid-19-ის ახალი შემთხვევების რეკორდული რაოდენობა დაფიქსირდა. ეს პანდემიის გავრცელების დროიდან დღემდე ერთი დღე-ღამის მანძილზე გამოვლენილი შემთხვევების რეკორდული მაჩვენებელია.
