საქართველოში კორონავირუსის პირველი მსხვერპლის, 81 წლის ქალის შვილი ამბობს, რომ დედამისი ისე დაკრძალეს, ის მის დაკრძალვას ვერ დაესწრო, რადგან ქალსაც კოროვანირუსი აქვს.
მისი თქმით, ის ვერ ეჭვობს საიდან მოვიდა ვირუსი, რადგან შეხება არავისთან ჰქონია.
„ვერ ვეჭვობ საიდან მოვიდა ეს ვირუსი. არავისთან შეხება არ გვქონია, არსად არ დავდიოდით, მხოლოდ მაღაზიაში გავიდოდით და მოვიდოდით. ერთადერთი რასაც ვფიქრობ ეს არის ფული. პენსია ავუღე და მოვიტანე, თანხა ბანკომატიდან მოვხსენი.“, – ამბობს გარდაცვლილი 81 წლის ქალის შვილი.
როგორც ირკვევა, სახლში ბებია, შვილი, შვილიშვილი და კატა ცხოვრობდნენ.
შეგახსენებთ, რომ 81 წლის ქალი კვირას დაკრძალეს.
საქართველოში კორონავირუსით 2 ადამიანი გარდაიცვალა.
ბოლო მონაცემებით, საქართველოში კორონავირუსი 188 ადამიანს დაუდასტურდა.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
- 23 მარტს, მთავრობის უწყებათშორისი საკოორდინაციო საბჭოს გადაწყვეტილებით, მარნეული და ბოლნისი მთლიანად ჩაიკეტა
- 21 მარტს, პრეზიდენტმა საქართველოს მთელს ტერიტორიაზე საგანგებო მდგომარეობა გამოაცხადა.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
