ზუგდიდში განვითარებულ მოვლენებს, „ნაციონალური მოძრაობის“ მიერ ორგანიზებული აქციას, რომლის ფარგლებში მოსახლეობას ქვეყნის ყოფილი პრეზიდენტის, მიხეილ სააკაშვილის სახელით პირბადეები ურიგდებოდა, ჯანდაცვის მინისტრი გამოეხმაურა.
„COVID – ის ინფექცია მოგეხსენებათ, დღესდღეობით არის გლობალური გამოწვევა. ჩვენ არ გვაქვს უფლება, ვისარგებლოთ ამით და გვქონდეს გარკვეული პოლიტიკური მესიჯები, ამასთან დაკავშირებით, ძალიან კარგია ქველმოქმედება, მაგრამ აუცილებელია გავითვალისწინოთ რეკომენდაციები, რომლებიც მკაფიოდ დარღვეული იყო ამ აქციის ჩატარებისას.
ეს არღვევს ზრუნვას და უქმნის პრობლემებს და საფრთხეს ადამიანებს, რომლებზეც სახელმწიფო ესე ზრუნავს და აქვე მინდა დავამშვიდო ზუგდიდის მოსახლეობა, მეც ვნახე ეს ვიდეოჩართვა და მინდა ვუთხრა სახელმწიფო ზრუნავს ადამიანებზე, რაც გამოიხატება იმაშიც, რომ მიმდინარეობს რუხის საავადმყოფოს მოწყობა, რომელსაც რამდენიმე დღეში მეთვითონ პირადად ვნახავ.
იქ მობილიზებული იქნება, როგორც საკარანტინო სივრცე, ასევე სტაციონარში გარკვეული ოდენობის საწოლები. ზუგდიდი და სამეგრელო, ისევე როგორც აფხაზეთი არის ის მხარე, რომელზეც სამინიტრო და სახელმწიფო ზრუნავს “ – განაცხადა ეკატერინე ტიკარაძემ.
მიმდინარე მოვლენების ინფორმაცია მოკლედ:
- 21 მარტს, პრეზიდენტმა საქართველოს მთელ ტერიტორიაზე საგანგებო მდგომარეობა გამოაცხადა.
- მთავრობის გადაწყვეტილებით, საქართველოში სასურსათო მაღაზიების, ბენზინგასამართი სადგურების, კვების ობიექტების, ღია საკოლმეურნეო ბაზრების და აფთიაქების გარდა ყველა სავაჭრო ობიექტი დაიხურა.
- შექმნილი მდგომარეობიდან გამომდინარე, სამარშრუტო ტაქსების მოძრაობა აიკრძალა.
- შეზღუდვები შეეხო კაფე-ბარებსა და რესტორნებს.
- საქართველოს ყველა მოქალაქე, რომელიც ქვეყანაში შემოვა, საკარანტინო ზონაში მოთავსდება.
- ყველა მეზობელ ქვეყანასთან მოქალაქეთა მიმოსვლა შეზღუდულია, ასევე, 2 კვირით საზღვარი დაკეტილია უცხო ქვეყნების მოქალაქისთვის.
- პრემიერ-მინისტრმა სახელმწიფო და კერძო დაწესებულებისთვის დისტანციურ რეჟიმში მუშაობის რეკომენდაცია გასცა.
წაიკითხეთ და გაითვალისწინეთ საჭირო რეკომენდაციები
გადაწყვეტილება, რომელიც საგანგებო რეჟიმს დროს მოქმედებს
!! ყველა განახლებადი ინფორმაცია კორონავირუსის შესახებ ნახეთ აქ:
