ადამიანის უფლებათა სახლზე, სადაც ასევე არის საფარის ოფისი, მოხდა თავდასხმა. პიროტექნიკაც კი შეყარეს და ადამიანიც კი დაზიანდა. – ამ შინაარსის პოსტი უფლებადამცველმა ბაია პატარაიამ სოციალურ ქსელში გაავრცელა.
მისი თქმით, კანონს არ იცავს პოლიცია და ხელისუფლება.
ბაია პატარაიას ამ განცხადებას შსს ეხმაურება.
როგორც შინაგან საქმეთა სამინისტროში განგვიცხადეს – „პოლიცია შეტყობინების მიღებისთანავე გამოცხადდა ადგილზე. მომხდარის შესახებ მიმდინარეობს ოფისში მყოფ პირებთან გასაუბრება.
სავარაუდოდ პიროტექნიკის აფეთქებით მსუბუქი დაზიანება მიიღო ერთ-ერთმა მოქალაქემ. მომხდარ ფაქტზე დაიწყო გამოძიება სსკ-ის 187-ე და 126 მუხლებით, მიმდინარეობს საგამოძიებო მოქმედებები”.
