პრინც ჰარისა და მეგან მარკლს ბავშვი შეეძინათ. ინფორმაციას BBC ავრცელებს.
გამოცემის ცნობით, ახალშობილი გოგოა, რომელსაც ლილიბეტი (ლილი) დაარქვეს.
მეგანმა პარასკევს დილით, კალიფორნიაში სანტა ბარბარას საავადმყოფოში იმშობიარა.
წყვილის განცხადებით, მეორე შვილს ლილიბეთი დიდი ბებიის გამო დაარქვეს, მას სამეფო ოჯახში სწორედ ასე ეძახიან. მეორე სახელი – დიანა კი ბებიის, ლედი დის ხსოვნის პატივსაცემად შეარჩიეს.
ახალშობილი ლილიბეთი, დედ-მამის მიერ გავრცელებული ინფორმაციის მიხედვით, 7 ფუნტსა და 11 უნციას იწონის.
მეგან მარკლისა და პრინც ჰარის ქალიშვილი სამეფო ოჯახის ტახტის სიაში რიგით მერვე მემკვიდრეა.
წყვილისთვის ეს მეორე შვილია. მათი ვაჟი არჩი 2 წლისაა.
