ეველინ მარი ლუცი დიდი დეპრესიის დროს დაიბადა და მეორე მსოფლიო ომის დროს გაიზარდა. იგი უნივერსიტეტში 50-იან წლებში შევიდა – მაშინ, როდესაც ქალები დიასახლისობდნენ და არა – მეცნიერებას ეუფლებოდნენ. ეველინმა, იგივე ევიმ, როგორც მას მეგობრები უწოდებდნენ, დაამთავრა ბაკალავრიატი, ჩააბარა მაგისტრატურაში და მიიღო დოქტორის ხარისხი.
მშობლები გოგონას ფულით ვერ დაეხმარნენ, მაგრამ მან ეს მაინც მოახერხა – და გახდა დიდი სპეციალისტი. ის არ დაქორწინებულა და არც შვილები ჰყავდა. ევიმ მთელი თავისი ძალები კარიერისკენ მიმართა – ის მუშაობდა ექთნად, შემდეგ ასწავლიდა კოლეჯში, ზრუნავდა, რომ ცოდნა ახალი თაობებისთვის გადაეცა. მისი ერთადერთი ახლობელი იყო მისი და, რომელმაც აღასრულა ეველინის ანდერძი.
ევი ძალიან მოკრძალებული ცხოვრებით ცხოვრობდა – უფრო მოკრძალებულიც კი იყო, ვიდრე მისი სტატუსი ითვალისწინებდა. ფულის დაზოგვას პირველივე დღიდან შეუდგა, როდესაც ფულის შოვნა დაიწყო. 80 წლის ასაკში ქალბატონმა ღირსეული ქონება დააგროვა. მთელი თავისი ცხოვრების განმავლობაში, ეველინი ფულს სწირავდა უნივერსიტეტებს – მადლობის ნიშნად, რომ მას მისცა განათლება, დამოუკიდებლობისთვის, კარიერისთვის.
მან თავისი პირველი წვლილი შეიტანა 1983 წელს – მოკრძალებული $ 10 კოლორადოს უნივერსიტეტის საექთნო კოლეჯისთვის. ათი წლის განმავლობაში მისი შემოწირულობები გაიზარდა – ევი ერთდროულად ასობით დოლარს რიცხავდა მშობლიურ უნივერსიტეტებში.
იგი 86 წლის იყო, როდესაც COVID-ით დაავადდა. ამ დაავადებამ მძიმე კვალი დატოვა და ეველინი გარდაიცვალა. უკანასკნელ ამოსუნთქვამდე ევიმ დაურეკა დას – სუ მაუერს და თავისი ანდერძი გააცნო. სწორედ მისი სიკვდილის შემდეგ აღმოჩნდა, რომ მოკრძალებული მასწავლებელი ფარული მილიონერი იყო. ქალმა დას დაუბარა, რომ თანხის უმეტესი ნაწილი სამი უნივერსიტეტისთვის გადაეცა, სადაც მან განათლება მიიღო.
641,000 დოლარი გადაეცა საექთნო სამეცნიერო კვლევების ახალ ფონდს. გარდაცვლილის ნება იყო, რომ ეს თანხა დახარჯულიყო მონაცემთა შეგროვებასა და ანალიზზე, კვლევითი პროექტების კოორდინაციასა და დაფინანსებაზე და პერსონალის აყვანაზე. უნივერსიტეტის თანამშრომლები შოკირებული იყვნენ, მოულოდნელი საჩუქრით. ეს იყო ყველაზე დიდი შემოწირულობა, რაც მათ ოდესმე მიუღიათ. დეკანი ქეთი რიდაუტი დარწმუნებულია, რომ ეს ფული ხელს შეუწყობს მნიშვნელოვანი აღმოჩენების გაკეთებას, რაც გააუმჯობესებს ადამიანის ჯანმრთელობას.
ევიმ 640,000 აშშ დოლარი შესწირა Case Western Reserve University- ს, ბიბლიოთეკის განვითარებისათვის.
ყველაზე დიდი თანხა – 1,3 მილიონი დოლარი მიიღო კოლორადოს უნივერსიტეტმა – „მომდევნო თაობის ექთნების დასახმარებლად“. უნივერსიტეტის დეკანი შოკირებული იყო შემოწირულობის სიდიდით, მიუხედავად იმისა, რომ სკოლა მთელი ცხოვრება ლუცისგან იღებდა ფულს.
