“ქალბატონი, რომელიც ვიდეოში ჩანს, არა ჩვენი ოფისის თანმშრომელი, არამედ დადასტურებულ შემთხვევასთან კონტაქტში მყოფი პირია”, – აცხადებენ პარტია “ქართული ოცნების” პრესსამსახურში “პრაიმტაიმის” მიერ გავრცელებულ კადრებთან დაკავშირებით.
ვიდეო ნაძალადევის რაიონშია გადაღებული, სადაც ეპიდემიოლოგები კორონავირუსით ინფიცირებულ პირთან კონტაქტში მყოფი მოქალაქეების კარანტინში გადაყვანას ცდილობენ, თუმცა მათ სპეციალისტებს წინააღმდეგობა გაუწიეს.
ადგილობრივების ინფორმაციით, ინფიცირებული “ქართული ოცნების” ოფისში დამლაგებლად მუშაობდა.
