საჭიროა ჩვენ გვქონდეს რეალისტური და სანდო მოცემულობა, სანდო სტატისტიკა, რომელიც ჯერ არ გვაქვს, – ამის შესახებ ჯანდაცვის პოლიტიკისა და მართვის სპეციალისტიმა, მედიცინის დოქტორმა სერგო ჩიხლაძემ „დღის კურერში“ საუბრისას განაცხადა.
მისივე თქმით, სტატისტიკაზე 5 000 თუ 7 000 ჩატარებული ტესტით ვერ ვიმსჯელებთ.
„საჭიროა ჩვენ გვქონდეს რეალისტური და სანდო მოცემულობა, სანდო სტატისტიკა, რომელიც ჯერ არ გვაქვს. რეალურად, რამდენი ინფიცირებული გვყავს. რაც არის გასაგებია, რომ არის დადასტურებული შემთხვევები, მაგრამ რეალურად ქვეყანაში, რამდენი შემთხვევაა, რამდენია უსიმპტომო მატარებლობა. იმ 5 000 თუ 7 000 ჩატარებული ტესტით ვერ ვიმსჯელებთ. ჩვენ არ გვაქვს რეალისტური ციფრები.
მრუდასაც რომ შევხედოთ, საოცარი მრუდი გვავქს. აღარც პიკი დადგა, ხან არის ხუთი გამოვლენა, ხან 12, ერთი შემთხვევა იყო რომ 60-მდე ავარდა. სხვა ქვეყნები 5-ზე და 10-ზე კი არა ასეულ შემთხვევაზე ამბობენ, რომ წამოვიდა დაბლა და ვიწყებთ გამოსვლას.
ჩვენ შემთხვევაში ორი ვარიანტია: თუ არის პატარა გავრცელება საერთოდ გაუგებარია, ეს ამდენი ჩაკეტვა და შეზღუდვა.
მეორე ვარიანტია, რომ ეს არ არის რეალისტური სურათი და ჩვენ გვჭირდება დიაგნოსტიკი სწრაფი გაფართვება,” – განაცხადა სერგო ჩიხლაძემ.
ამ დროისთვის საქართველოში 408 ადამიანი ინფიცირებული.
მათ შორის გამოჯანმრთელდა 95 ადამიანი.
- საქართველოს მთავრობის გადაწყვეტილებით 17 აპრილის 12 საათიდან, 21 აპრილამდე საქართველოს მთელ ტერიტორიაზე მსუბუქი ავტომობილების გადაადგილება იკრძალება.
- დახურულ სივრცეში სავალდებულო გახდა პირბადის ტარება. წინააღმდეგ შემთხვევაში იურიდიული პირი 15 ატასი ლარით დაჯარიმდება.
- მთავრობასა და საპატრიარქოს შორის შეთანხმება შედგა. შეთანხმების მიხედვით, ეკლესიის კარები მორწმუნეთათვის არ დაიკეტება!
- ხელისუფლების მოწოდებაა დარჩით სახლში, არ დაარღვიოთ კანონი
- 15 აპრილიდან, საქართველოს ოთხი დიდი ქალაქი 10 დღით ჩაიკეტა.
- 28 მარტს გამკაცრდა საკარანტინო რეჟიმი სამეგრელოსა და ზემო სვანეთში.
