დღეს გაირკვევა რა დოკუმენტს სთავაზობს ევროკავშირი საქართველოში დაპირისპირებულ პოლიტიკურ ძალებს
„თუ შეთანხმება შედგება, არ იქნებიან გამარჯვებულები და დამარცხებულები. იქნებიან მხოლოდ გამარჯვებულები. პირველ რიგში, ერთი მთავარი გამარჯვებული – საქართველოს ხალხი“, – განაცხადა კრისტიან დანიელსონმა 29 მარტს, ღამით გამართულ პრესკონფერენციაზე, რომელსაც წინ უძღოდა მისი შეხვედრები პოლიტიკური პარტიების ლიდერებთან, საქართველოს პრემიერ-მინისტრთან, პრეზიდენტთან და სამოქალაქო საზოგადოების წარმომადგენლებთან.
რუსუდან კერვალიშვილი სასჯელაღსრულების დაწესებულებას დღეს დატოვებს. “ცენტრ პოინტის” ერთ-ერთმა დამფუძნებელმა საპატიმროში 4 წლიანი სასჯელი მოიხადა.
რუსუდან კერვალიშვილს ამხანაგობა “თაბუკაშვილი 88-ის” ეპიზოდზე 4 წლით თავისუფლების აღკვეთა 2017 წელს მიესაჯა.
მას პატიმრობის ვადა მიმდინარე წლის 31 მარტს უმთავრდება და პატიმრობის კოდექსის 38-ე მუხლის შესაბამისად, საპყრობილეს წინა დღეს, ანუ 30 მარტს ტოვებს.
დღეიდან საქართველოში იწყება ვაქცინაცია ამერიკულ-გერმანული Pfizer/BioNtech-ის ვაქცინით, რომლის ეფექტიანობა 95%-ია.
საქართველომ კოვიდ-ინფექციის საწინააღმდეგო ამ ვაქცინის 29 500 დოზა 25 მარტს მიიღო. იმავე დღეს დაიწყო ასაცრელად 65 წელზე უფროსი ასაკის მოქალაქეების რეგისტრაცია. პირველი ორი კვირის ჯავშნები საკმაოდ სწრაფად შეივსო. Pfizer-ის ვაქცინით ასაცრელად 10 ათასამდე მოქალაქე დარეგისტრირდა.
