მცხეთაში, არაგვის ხიდთან გიორგი შაქარაშვილის გარდაცვალების საქმეზე ბრალდებული მორაგბის, არჩილ გაგნიძის ადვოკატები საგამოძიებო ექსპერიმენტს ატარებენ.
დამოუკიდებელ საგამოძიებო მოქმედებებში ადვოკატების გარდა მონაწილეობას მიიღებს რამდენიმე პირი, რომლებიც ადვოკატის, ალექსანდრე კობაიძის განცხადებით, ექსპერიმენტში საკუთარი სურვილით იღებენ მონაწილეობას და საქმის ფიგურანტები არ არიან.
კობაიძის თქმით, ექპერიმენტის ერთი ნაწილი ფოტოგრაფ იაკობ ბრეგვაძის ჩვენებას მიეძღვნება, მეორე კი – ე.წ. ფერად სახლთან განვითარებულ მოვლენებს.
კობაიძის განცხადებით მწვანე სახლს, სადაც ბრეგვაძე იმალებოდა და ამ ტერიტორიას შორის ძალიან დიდი დაახლოებით ნახევარ კილომეტრიანი დაშორებაა, თუმცა ბატონ ბრეგვაძეს ამოჩემებული აქვს, რომ ყველაფერს ხედავდა და აკონტროლებდა,რაც ძალიან არარეალურად ჟღერს მითუმეტეს სიბნელეში და პლუს ამას, გაარჩიო პიროვნებები.
ექსპერიმენტის დროს მიიყვანენ გარეშე პირებს და მათი მეშვეობით რეალურ სურათს ასახავენ.
