ზუგდიდის პირველი საჯარო სკოლის ქიმიის პედაგოგი სოციალურ ქსელში გამოქვეყნებული სტატუსის შემდეგ განმარტებას აკეთებს.
მასწავლებლის თქმით, ემოცია, რომელიც პოსტის სახით გადმოსცა, ადამიანურია.
„25 წელია ამ სკოლაში ვმუშაობ. ძალიან მიყვარს ჩემი საქმიანობა და მთელი გულით ვემსახურები ამ საქმეს.
არცერთი წყენა, არცერთი ცუდი დამოკიდებულება მოსწავლეებთან წლების განმავლობაში არ მქონია. მართლა გულით ვემსახურები ჩემს საქმეს, უბრალოდ, პატარა გაუგებარი მიზეზი იყო თავის დროზე, რაზეც გული ძალიან დამწყდა.
ადამიანური გრძნობით ძალიან განვიცადე და ეს აღვნიშნე. ამას შეისწავლის შესაბამისი კომისია და მეც დასკვნებს დაველოდები“, – ამბობს „ტვ პირველთან“ ხათუნა ქვარცხავა.
