დღეიდან, საქართველოს 4 დიდ ქალაქში: თბილისში, რუსთავში, ქუთაისსა და ბათუმში შესვლა-გამოსვლა ისევ აიკრძალა.
თბილისში მცხოვრები მოქალაქეები, სასოფლო-სამეურნეო საქმიანობის მიზნით, ქალაქიდან გასვლას გარკვეული დროის მონაკვეთში შეძლებენ.
გარემოს დაცვისა და სოფლის მეურნეობის სამინისტროს ინფორმაციით:
- 29 აპრილიდან, თბილისში მცხოვრები მოქალაქეები სასოფლო-სამეურნეო საქმიანობის მიზნით, ქალაქიდან გასვლას დილის 06:00-დან 08:00 საათამდე, ხოლო დაბრუნებას საღამოს 18:00-დან 19:00 საათამდე შეძლებენ სამინისტროს მიერ გაცემული საშვით;
- ნებართვის მისაღების ფორმა განთავსებულია გარემოს დაცვისა და სოფლის მეურნეობის სამინისტროს ვებსაიტზე და ის მოქალაქემ უნდა შეავსოს ქალაქიდან გასვლამდე 12 საათით ადრე;
- განაცხადის საფუძველზე სამინისტრო გასცემს საშვს ელექტრონული, ან მატერიალური ფორმით, საჭიროების მიხედვით, ერთჯერადს ან მრავლჯერადს;
- უარყოფითი პასუხის შემთხვევაში, განმცხადებელი პასუხს მიიღებს ელექტრონულად;
- სასოფლო-სამეურნეო საქმიანობის მიზნით, ბათუმიდან, რუსთავიდან და ქუთაისიდან გასვლა-შესვლის საშვის მისაღებად, მოქალაქეებმა უნდა მიმართონ რეგიონულ შტაბებს.
ცნობისთვის, ჩაკეტილი 4 ქალაქიდან გასვლა შეუძლიათ მხოლოდ სხვა მუნიციპალიტეტებში რეგისტრირებულ მოქალაქეებს, რომლებიც აკრძალვის მოქმედების პერიოდში უკან ვეღარ დაბრუნდებიან. შესვლა შეუძლიათ მხოლოდ ამ ქალაქებში რეგისტრირებულებს.
ქვეყანაში კორონავირუსით ინფიცირებულთა რაოდენობა 511-ია, აქედან განიკურნა 168, გარდაიცვალა 6 პაციენტი.
საკარანტინო რეჟიმში 5 085 პირი რჩება, ხოლო სტაციონარში მეთვალყურეობის ქვეშ – 558.
გახარია სასწავლო პროცესის განახლების დროს ასახელებს – აკადემიური წელი არ გამოცხადდება!
10 სახის ფულადი დახმარება მოქალაქეებს – ნახეთ ჩამონათვალი ანტიკრიზისული გეგმიდან
შეზღუდვების მოხსნის გრძელვადიანი ეტაპობრივი გეგმა – ნახეთ დეტალურად
კრიზისული მენეჯმენტისთვის ქვეყანა 3 მილიარდ 500 მილიონ ლარს დახარჯავს
პირები, რომლებმაც სამსახური დაკარგეს, 6 თვის განმავლობაში თვეში 200 ლარს მიიღებენ
27 აპრილიდან ავტომობილების მოძრაობა სრულად აღდგება! – გიორგი გახარია
როდის გაიხსნება სილამაზის სალონები – მთავრობა დროს ასახელებს
350 ათასამდე მოქალაქის დასახმარებლად 460 მილიონი დაიხარჯება
სხვა მხრივ, სხვა გზით შეუძლებელია გავუმკლავდეთ! – გახარია გამოწვეულ დისკომფორტზე
