საქართველოს ყოფილი პრეზიდენტის მიხეილ სააკაშვილის, ადვოკატის ბექა ბასილაიას განცხადებით, ექსპრეზიდენტს სასჯელაღსრულების დაწესებულებიდან ზარის განხორციელების უფლება შეეზღუდა.
„პროკურატურამ მიიღო სამარცხვინო დადგენილება და გადაუგზავნა ციხეს. ეს დადგენილება ჩვენამდეც კი არ მოსულა. უბრალოდ, როდესაც მიშამ დააყენა საკითხი ზარის განხორციელებასთან დაკავშირებით, უთხრეს, რომ ჩვენ „რა ვქნათ აგერ შემოსულია პროკურორის დადგენილება“. სავარაუდოდ სასამართლოს წესითაა ეს შეზღუდვა გაკეთებული“, – განაცხადა ბექა ბასილაიამ.
შეგახსენებთ, საქართველოს მესამე პრეზიდენტი მიხეილ სააკაშვილი სამართალდამცველებმა 1-ელ ოქტომბერს დააკავეს.
იქამდე მან სოციალური ქსელით რამდენიმე მიმართვა გაავრცელა.
