ჯგუფი Rammstein-ის სოლისტი ტილ ლინდემანი კორონავირუსის დიაგნოზით ჰოსპიტალიზებულია. ამის შესახებ ინფორმაციას გერმანული ტაბლოიდი Bild-ი ავრცელებს.
გამოცემის ცნობით, ამჟამად მუსიკოსი ბერლინის ერთ-ერთი კლინიკის ინტენსიური თერაპიის განყოფილებაში იმყოფება.
ცნობისთვის, გერმანელი სოლისტი მარტში მოსკოვში იმყოფებოდა, სადაც რამდენიმე კონცერტი გამართა.
ბოლო მონაცემებით გერმანიაში კორონავირუსით 47,278 ადამიანია დაინფიცირებული, ამათგან 281 გარდაიცვალა, 5,673 კი განიკურნა.
