საფრანგეთის ხელისუფლებამ ნიკოტინის შემცველ პროდუქტებზე ონლაინ-ვაჭრობა აკრძალა. ამის შესახებ ინფორმაციას BBC ავრცელებს.
მიზეზი კორონავირუსია, რომლის მიხედვითაც ნიკოტინმა COVID-19-თან ბრძოლაში შეიძლება ერთ-ერთი გადამწყვეტი როლი ითამაშოს.
აკრძალვა ეხება ნიკოტინის შემცველ საღეჭ რეზინებს და სხეულზე დასაკრობ პატჩებს, რომლებიც ადამიანს თამბაქოზე თავის დანებებაში ეხმარება.
სტატისტიკური მონაცემებით, გასული კვირის განმავლობაში მწეველები არამწეველებთან შედარებით COVID-19-ზე სამკურნალოდ პარიზის საავადმყოფოებს უფრო ნაკლებად მიმართავდნენ.
ამ დროის მონაცემებით, საფრანგეთში კორონავირუსით ინფიცირების 159 828 შემთხვევა დაფიქსირდა. აქედან 22 245 ადამიანი გარდაიცვალა, 43 493 კი გამოჯანმრთელდა.
