სანდრო სანაიას დედა, ხათუნა ჩხაიძე გადაცემაში „ფარული კონვერტი“ გიორგი სანაიაზე საუბრობს.
მისი თქმით, როდესაც გიორგი მოკლეს მის ცხოვრებაში წყვდიადი ჩამოწვა.
„სანდრო 5 წლის იყო როდესაც მამა მოუკლეს. მე მას პირადად ვესაუბრე და ავუხსენი, რომ გიორგის სული უკვდავია და ბავშვს მაინც ჰქონდა ის შეგრძნება, რომ მამა მასთან იყო.
სანდრო როდესაც დაიბადა, მე და გიორგი ყველაფერს ერთად ვათანხმებდით. არ ვიცოდი როგორ გამეზარდა მარტოს ბავშვი. ძალიან რთული იყო მარტო დარჩენა. არასდროს არ მიფიქრია, რომ გიორგის რამე მოუვიდოდა, ის აბსოლუტურად ჯანმრთელი იყო. როდესაც გიორგი მოკლეს ჩემს ცხოვრებაში ჩამოწვა წყვდიადი, ერთადერთი ნათელი წერტილი იყო სანდრო, რომელიც ძალას მაძლევდა.
სანდრომ იცოდა, რომ გიორგი იყო მისი პროფესიის ერთგული.
როდესაც გავიგე, რომ კურიერის წამყვანი იქნებოდა, თან გამიხარდა და თან დამწუხრებულიც ვიყავი, გამახსენდა გიორგი. ვუთხარი, რომ მხოლოდ კეთილი საქმეები უნდა აკეთოს და მასზე დიდი პასუხისმგებლობაა“, – აცხადებს გიორგი სანაიას მეუღლე.
