უმრავლესობამ პლენარულ სხდომაზე ნიკა მელიასთვის სადეპუტატო იმუნიტეტის მოხსნას და გენერალური პროკურორის შუამდგომლობას, რომ “ნაციონალური მოძრაობის” თავმჯდომარის მიმართ აღკვეთის ღონისძიებად პატიმრობის გამოყენებაზე სასამართლოს მიმართოს, მხარი დაუჭირა.
როდის ჩაინიშნება სასამართლო პროცესი – ამას გენერალური პროკურორი ამირან გულუაშვილი განმარტავს.
„ვინაიდან საკითხი ეხება აღკვეთის ღონისძიების გამოყენებას, კანონმდებლობის თანახმად, სასამართლომ შეძლებისდაგვარად მოკლე ვადაში უნდა ჩანიშნოს შესაბამისი სასამართლო სხდომა, სადაც მხარეთა არგუმენტების მოსმენა მოხდება“, – განაცხადა გულიაშვილმა.
