აქამდე, ჯერ კიდევ უცნობია კორონავირუსის მოქმედების ხასიათი და ორგანიზმზე მისი შემდგომი ზემოქმედება. სწორედ პოსტკოვიდურ სინდრომსა და სიმპტომებზე ბრიტანეთის ჯანდაცვის ეროვნული ინსტიტუტის ინფორმაციაზე დაყრდნობით სტატიას უცხოური მედია აქვეყნებს.
„Covid-19 ხანგრძლივი პროცესია, რომელიც თავდაპირველად მსუბუქიდან მწვავე სიმპტომებამდე მიდის, ბოლო დროს, კორონავირუსის შემდგომი სინდრომი სერიოზულ პრობლემად იქცა. პაციენტები, რომლებიც კორონავირუსისგან გამოჯანმრთელდნენ, სიმპტომები მაინც ხანგრძლივად აღენიშნებათ. Covid-19-ის შემდგომი სინდრომი არის უკვე დაავადება, რომელიც ვლინდება მაშინ, როცა ვირუსზე ტესტი უარყოფითია.
ყველაზე გავრცელებული სიმპტომები, რომელიც გამოჯანმრთელების შემდეგაც აღინიშნებოდეს:
- სუნთქვის გაძნელება,
- სახსრების ტკივილი,
- მკერდის ტკივილი,
- გემოს და/ან სუნის დაკარგვა
ბრიტანეთის ჯანდაცვის ეროვნული ინსტიტუტის (NIH) ინფორმაციით, ინფექციამ შეიძლება პაციენტებში გამოიწვიოს სხეულის სხვადასხვა ორგანოებზე სხვადასხვა მრავალმხრივი პრობლემები.
ასაკობრივი კატეგორია, ვისაც პოსტკოვიდური სიმპტომები ხანგრძლივად აღენიშნებათ:
მათივე თქმით, ადამიანები, რომლებსაც, სავარაუდოდ, პოსტკოვიდ სინდრომი და მისი ხანგრძლივი სიმპტომები აღენიშნებათ, ასე კლასიფიცირდებიან:
- 50 წელს გადაცილებულები
- ადამიანები, რომლებსაც Covid-19-ის მძიმე ფორმა ჰქონდათ.” – წერს გამოცემა.
