ინდოეთში რთული ეპიდემიოლოგიური ვითარებაა. ქვეყანა კორონავირუსის პანდემიის მეორე ტალღას ებრძვის.
ინფორმაციას ამის შესახებ BBC-ი ავრცელებს.
ინდოეთში ინფექციის შემთხვევების სწრაფი მატება მარტის შუა რიცხვების შემდეგ დაიწყო. 30 აპრილს კი პიკს მიაღწია. კერძოდ, ქვეყანაში დღიურად კოვიდის 400 000 ათასზე მეტი შემთხვევა დაფიქსირდა.
3 მაისს შემთხვევებმა თითქოს იკლო, კერძოდ დღიური მაჩვენებელი 360 000-ზე ნაკლები იყო. თუმცა, ბოლო დღეებში შემთხვევებმა კვლავ იმატა.
6 მაისს ქვეყანაში 414,000-ზე მეტი შემთხვევა დაფიქსირდა. გასული 24 საათის მანძილზე კი 366,161-ი.
ტესტირება
ინდოეთში ყოველდღიურად კოვიდზე 2 მილიონამდე ტესტი ტარდება.
აპრილის შუა რიწცხვებში დელიში დღეში კორონავირუსის დაახლოებით 100,000 ტესტი ტარდებოდა. აპრილის ბოლოს მაშინ, როდესაც ქვეყანაში ინფიცირებულთა რაოდენობამ საგრძნობლად იმატა, ტესტირების რიცხვმა 20%-ით იკლო.
ინდოეთი ძირითადად კოვიდის ტესტის ორ სახეობას იყენებს: PCR და სწრაფი ტესტები.
აპრილის მონაცემებით, დელიში ჩატარებული ტესტების 35%-ი სწორედ სწრაფი იყო.
